domingo, 18 de diciembre de 2011

Selecionada para exponer en la sala Borrón!

Borrón va acoyer la obra de Nieves González Pérez, Ernesto Junco, Raquel Estrada-Nora González y Nicholas Calaway


Nieves González Pérez, Ernesto Junco, Raquel Estrada-Nora González y Nicholas Calaway foron escoyíos pa esponer na Sala Borrón na temporada 2012 dientro del Programa d'Artistes Mozos del Principáu d'Asturies. La decisión tomóla un comité formáu por Luis Feás Costilla, críticu d'arte y comisariu d'esposiciones; Benjamin Weil, director d'Actividaes de Llaboral Centru d'Arte y Creación Industrial, y Jaime Rodríguez, responsable d'esposiciones de la Galería Texu d'Uviéu. El comité tuvo presidíu pola directora xeneral de Polítiques Sociales, Patricia Arce García.


El programa d'esposiciones d'artistes plásticos del Principáu d'Asturies pa esponer na Sala Borrón d'Uviéu na temporada 2012, incluíu nel programa Culturaquí, ta organizáu pola Conseyería de Bienestar Social y Igualdá al traviés del Serviciu de Mocedá y col patrociniu de Cajastur. A él pueden concurrir artistes o colectivos d'artistes asturianos, naturales o residentes nel Principáu d'Asturies, o descendientes hasta segundu grau d'emigrantes asturianos, non mayores de 35 años a 31 d'avientu del 2011. Al programa podía presentase cualquier tipu de propuesta artística: pintura, escultura, fotografía, dibuxu, instalaciones, videoinstalaciones, etc. El tema, técnica y materiales dexáronse tamién a la elección libre del artista. La programación pa la temporada 2012 va completase coles Muestres d'Arte Mozo d'Asturies y Castiella-La Mancha, los proyectos de la Escuela d'Arte d'Uviéu y de Taller3, el Certame de Pintura de L.luarca y los Premios Asturies Xoven d'Artes Plástiques 2010 y 2011.